SNNPRS in partnership with Higher Education Instituions’ Partnership sub-Forum against HIV/AIDS in Ethiopia established Regional Partnership forum against HIV/AIDS/SRH Problems in January 23, 2017 at Yirgalem, Ethiopia.

የኤች አይ ቪ ኤድስ ስርጭትን ለመከላከል የጤናው ሴክተር ከትምህርት ተቋማት  ጋር በጋራ ሊሰሩ እንደሚገባቸው የደ/ብ/ብ/ህ/ክ/መንግስት ጤና ቢሮ አስታወቀ፡፡
 
የኤች አይ ቪ /ኤድስ ስርጭትን የመከላከልና የመቆጣጠርን ስራ በዘላቂነት ለማገዝና እንደ ሀገር የተቀመጠውን ግብ ለማሳካት የጤናው ሴክተር ከመጀመሪያ ደረጃ ጀምሮ እስከ ከፍተኛ ትምህርት ተቋማት ጋር  ስራዎችን በቅንጅት መስራት እንደሚገባቸው የደ/ብ/ብ/ህ/ክ/መንግስት የከፍተኛ ትምህርት ተቋማት ንዑስ ፎረም ለማደራጀት በተደረገው ውይይት ወቅት ተገልጿል፡፡
 
የክልል ጤና ቢሮ ምክትል ሃላፊ ለከልል ቴሌቪዝን መግለጫ ሲሰጡ
የደ/ብ/ብ/ህ/ክ/መንግስት ጤና ቢሮ ምክትል ቢሮ ሃላፊና የዘርፈ ብዙ ኤች አይ ቪ/ኤድስ ምላሽ የማስተባበርና የመምራት ዋና የስራ ሂደት ባለቤት የሆኑት  አቶ መና መኩሪያ እንደተናገሩት የኤች አይ ቪ/ኤድስ ስርጭትን ለመከላከልና ለመቆጣጠር ከህብረተሰቡ ጋር ከሚሰሩ የንቅናቄ  ስራዎች በተጓዳኝ  በከፍተኛ ትምህርት ተቋማት  በስረዓተ ትምህርት አካቶ ስለ ኤች አይ ቪ/ኤድስ ማስተማር መጀመሩንና ይህንን ይበልጥ አጠናክሮ ለማስቀጠልና በክልሉ ውስጥ በሚገኙ በሁሉም የከፍተኛ ትምህርት ተቋማት ተግባራዊ ለማድረግ ስራዎች እየተሰሩ መሆናቸውን ተናግረዋል፡፡
 
 የኢትዮዽያ ከፍተኛ የትምህርት ተቋማት ፀረ ኤች አይ ቪ/ኤድስ ንዑስ ፎረም ተወካይ አቶ ፊሊጶስ ጴጥሮስ በበኩላቸው የደ/ብ/ብ/ህ/ክ/መንግስት ከፍተኛ ትምህርት ተቋማትን ንዑስ ፎረም ማጠናከር ኤች አይ ቪ/ኤድስን በጋራ ለመከላከል የሚደረገውን ጥረት በማገዝ የመማማርና የልምድ ልውውጥ መድረክ በመሆን እንደሚያገለግል ገልፀው በክልል ደረጃ ይህንን ክልላዊ ፎረም ማቋቋሙ በክልሉ ውስጥ የሚገኙ ሁሉም የከፍተኛ ትምህርት ተቋማት ነባራዊ ሁኔታዎችን መሰረት በማድረግ ተሞክሮዎችን በቅርበት ለመለዋወጥ የሚያስችላቸው እንደሆነም አስረድተዋል፡፡
 
አቶ ፊሊጶስ ጴጥሮስ  የሀገርአቀፍ ከፍተኛ የትምህርት ተቋማት ፓርትነርሺኘን በመወክል የክልላዊ ፓርትነርሺኘ ምስረታ አስፈላጊነትና ሂደቶች ዙሪያ መግለጫ ሲሰጡ
አቶ ፊሊጶስ አክለዉ ተመሳሳይ ክልላዊ ፎረሞች በሌሎች ክልሎችና ከተማ አሰተዳደሮች የሚጠናከሩበትና የሚቋቋሙበት ዕቅድ የተያዘ መሆኑንና ከሚመለከታችዉ የክልል መንግስታትና ፈዴራል ተቋማትና የልማት አጋሮች ተገቢዉ ትብብርና ድጋፍ እንደሚያስፈልግ በምክክር መድረኩ ተነስቶ ዉይይት  የተደረገ ሲሆን የክልሉን ነባራዊ ሁኔታ ታሳቢ ያደረገ ረቂቂ የመግባቢያ ሰነድ ተዘጋጅቶ ለዉይይት የቀረበ ሲሆን በዕለቱም ከክልሉ የተጋበዙ የክልል ምክር ቤት ማህበራዊ ዘርፍ ቋሚ ኮሚቴ ሰብሳቢና የክልሉ አፌ-ጉባኤ ፅ/ቤት  ሃላፊ እንዲሁም ባለስልጣናት በተገኙበት በተደረገ  የስራ አስፈፃሚ ኮሚቴ ምርጫ ተካሂዶ ሀዋሳ ዩኒቨርሲቲ ሰብሳቢ፤ ወላይታ ሶዶ ዩኒቨርሲቲ ም/ሰብሳቢ፤ወልቂጤ ዩኒቨርሲቲ አባል፤ የክልሉመንግስት ጤና ቢሮ ፀሓፊ ሆነዉ ስራቸዉን ለመጀመር ሃላፊነት ወስደዋል፡፡ መግባቢያ ሰነዱ በዩኒቨሪሲቲ ኘሬዚዳንቶችና ጉዳዩ በሚመለካታቸዉ የክልል ባለስልጣናትና ደጋፊ አጋሮች በቅርቡ የሚፈረም መሆኑ ተገልፀል፡፡
 ከከፍተኛ ትምህርት ተቋማት የተገኙ አንዳንድ  ተሳታፊዎች እንዲሁም ጥሪ የተደረገላቸው እንግዶች እንደገለጹት የኤች አይ ቪ ኤድስ ስርጭትን በመግታት ንዑስ ፎረሙ በጋራ የመስራት ልምድን እንዲሁም በየተቋማቱ ያሉ አዳዲስና ነባር ተሞክሮዎችን ወደ ሌሎች ከማስፋት ረገድ ጉልህ ድርሻ ያለው መሆኑን አመላክተው ፎረሙን ከማቋቋም ባሻገር የታለመትን ግብ መምታት የሚያስችል የለውጥ መሳሪያ አድርጎ ከመጠቀምና ውጤታማነቱን በማስፋት ወጣቱ ትውልድ የኤች አይ ቪ/ኤድስ ምንነት ጠንቅቆ  እንዲያውቅ ለማድረግ  በርካታ ተግባራት ሊከናወኑ እንደሚገባቸው አሳስበዋል፡፡
 
 
የክልል ምክር ቤት ማህበራዊ ቋሚ ኮሚቴዎች ከተሳታፊዎች ጋር 
  
የክልሉ ዩኒቨርሲቲዎች በከፊል
በደ/ብ/ብ/ሕ/ክ/መ የጤና ቢሮ ህዝብ ግንኙነትና ኮሙኒዩኬሽን ደጋፊ የሥራ ሄደት፡፡